Please update your Flash Player to view content.
English (United Kingdom)
Home

1

     ໃນ​ວັນ​ທີ 2 ພະ​ຈິກ 2017, ສະ​ພາ​ການ​ຄ້າ ແລະ ອຸດ​ສ​ຫະ​ກຳ ແຫ່ງຊາດລາວ ໄດ້​ມີ​ພິ​ທີເປີດ​ ​ຫ້ອງການ​ສົ່ງ​ເສີມ ແລະ ພັດ​ທະ​ນາ​ຍີ່​ຫໍ້​ລາວ, ເຊິ່ງ​ເປັນຫ້ອງການທີ່​ຈະສ້າງ​ຜົນ​ປະ​ໂຫຍດ​ໃຫ້​ແກ່ ຜູ້​ຜະ​ລິດ​ພາຍ​ໃນ​ທ້ອງ​ຖິ່ນ ໃຫ້​ໄດ້​ຮັບຜົນ​ຕອບ​ແທນທີ່​ດີ​ຂຶ້ນກວ່າ​ເກົ່າ.

​ໃບ​ຊາ​ຫອມ​, ເຂົ້າໜຽວ, ເມັດ​ກາ​ເຟ ທີ່​ນຳ​ຄວາມ​ຊົງ​ຈຳກັບມາ​ສູ່​ພູ​ພຽງ​ບໍ​ລະ​ເວນ ແລະ ຜ້າ​ໄໝ​ຫຼາກ​ຫຼາຍ​ສີ​ສັນ - ບັນ​ດາ​ສິນ​ຄ້າ​ເຫຼົ່າ​ນີ້ແມ່ນ​ເອ​ກະ​ລັກ​ສະ​ເພາະຂອງ​ລາວ ຊຶ່ງ​ໄດ້​ຮັບ​ຄວາມນິ​ຍົມ​ໃນ​ສາ​ກົນ.  ແຕ່ເຖິງ​ແມ່ນ​ວ່າ​ສິນ​ຄ້າ​ເຫຼົ່າ​ນີ້​ໄດ້​ຮັບ​ຄວາມ​ນິ​ຍົມ​, ​ສິນ​ຄ້າ​ສົ່ງ​ອອກ​ຂອງ​ລາວເປັນ​ສິ່ງ​ທີ່​ຫາ​ໄດ້​ຍາກ​ຢູ່​ຕ່າງ​ປະ​ເທດ ແລະ ​ເຖິງ​ແມ່ນ​ວ່າ​ພົບ​ເຫັນສິນ​ຄ້າ​ຈາກ​ລາວ, ມັນ​ກໍ່​ບໍ່​ໄດ້​ຖືກລະ​ບຸ​ຊື່​ວ່າ​ມາ​ຈາກ​ລາວ ຊຶ່ງ​ຂາດ​ຄວາມ​ເຊື່ອມ​ໂຍງ ລະ​ຫວ່າງ​ຜູ້​ຜະ​ລິດ ແລະ ຜູ້​ບໍ​ລິ​ໂພກ. ຕົ້ນ​ກຳ​ເນີດ​ຂອງ​ຜະ​ລິດ​ຕະ​ພັນ ບໍ່​ໄດ້​ກາຍ​ເປັນ​ປັດ​ໃຈ​ປະ​ກອບໃນ​ການ​ດຶງ​ດູດ​ຈິດ​ໃຈ​ຂອງ​ຜູ້​ບໍ​ລິ​ໂພກ​ໃຫ້​ຊື້​ສິນ​ຄ້າ​ເຫຼົ່າ​ນັ້ນ, ເຮັດ​ໃຫ້​ເກີດ​ມີສ່ວນ​ຕ່າງ​ທີ່​ຕ່ຳ​ໃນ​ການ​ກຳ​ນົດ​ລາ​ຄາ​ສູງ, ຄືນ​ຜົນ​ກຳ​ໄລ​ທີ່​ຕ່ຳ ໃຫ້​ແກ່​ທຸ​ລະ​ກິດ​ລາວ ແລະ ຜູ້​ຜະ​ລິດ​​ທ້ອງ​ຖິ່ນ ໃນ​ຕ່ອງ​ໂສ້​ສ້າງ​ມູ​ນ​ຄ່າ​ຂອງ​ສິນ​ຄ້າ.

ສະ​ພາ​ການ​ຄ້າ ແລະ ອຸດ​ສ​ຫະ​ກຳ ແຫ່ງຊາດລາວ, ​ພາຍ​ໃຕ້​ການ​ຮ່ວມ​ມື​ກັບ​ອົງ​ການ​ສະ​ຫາ​ປະ​ຊາ​ຊາດ ເພື່ອ​ການ​ພັດ​ທະ​ນາ ກຳ​ລັງຮ່ວມ​ມື​ກັນພະ​ຍາ​ຍາມແກ້​ໄຂ​ບັນ​ຫາ​ນີ້. ຫ້ອງການ​ສົ່ງ​ເສີມ ແລະ ພັດ​ທະ​ນາ​ຍີ່​ຫໍ້​ລາວ ທີ່​ເປີດ​ໂຕ​ໃນ​ມື້​ນີ້ ແມ່ນຕັ່ງຢູ່​ພາຍ​ໃນ​ອາ​ຄານ​ສະ​ພາ​ການ​ຄ້າ ແລະ ອຸດ​ສ​ຫະ​ກຳ ແຫ່ງຊາດລາວ. ໃຫ້​ກຽດ​ເປັນ​ປະ​ທານເປີດ​ຫ້ອງການ​ຢ່າງ​ເປັນ​ທາງ​ການ​​ໂດຍ​ທ່ານ ສົມ​ຈິດ ອິນ​ທະ​ມິດ, ຮອງ​ລັດ​ຖະ​ມົນ​ຕີ​ ກະ​ຊວງ​ອຸດ​ສະ​ຫະ​ກຳ ແລະ ການ​ຄ້າ; ທ່ານ ນາງ ຄຳຈັນ ວົງແສນບູນ ຮອງລັດຖະມົນຕີ ກະຊວງແຜນການ ແລະ ການລົງທຶນ; ທ່ານ ອຸ​ເດດ ສຸ​ວັນ​ນະ​ວົງ​, ປະ​ທານ ສະ​ພາ​ການຄ້າ ແລະ ອຸດ​ສະ​ຫະ​ກຳ ແຫ່ງຊາດລາວ; ແລະ ພ້ອມ​ກັບ​ ທ່ານ ນາງ ຄາ​ຣີ​ນາ ອິມ​ໂມ​ເນັນ, ຜູ້​ຕາງ​ໜ້າ​ອົງ​ການ​ສະ​ຫະ​ປະ​ຊາ​ຊາດ ເພື່ອ​ການ​ພັດ​ທະ​ນາ ປະ​ຈຳ ສ​ປ​ປ ລາວ; ຈະ​ຊ່ວຍ​ສົ່ງ​ເສີມ​ທຸ​ລະ​ກິດ​ລາວ ແລະ ຜູ້​ຜະ​ລິດ​ລາວ ໂດຍ​ການ​ສະ​ໜອງ​ການ​ບໍ​ລິ​ການ​ຄົບ​ຊຸດ ຊຶ່ງ​ລວມ​ມີ ການ​ຫຸ້ມ​ຫໍ່​ແບບ​ມື​ອາ​ຊີບ ແລະ ໃຫ້​ຄຳ​ແນະ​ນຳ​ດ້ານ​ການ​ຕະ​ຫຼາດ ເຊັ່ນ ຂໍ້​ມູນ​ຊ່ອງ​ທາງ​ການ​ຕະ​ຫຼາດ​ຢູ່​ບັນ​ດາ​ ຕົວ​ເມືອງ ແລະ ຕ່າງ​ປະ​ເທດ.

ສ່ວນ​ໜຶ່ງ​ຂອງ​ໂຄງ​ການພັດ​ທະ​ນາ ແລະ ສົ່ງ​ເສີມຍີ່​ຫໍ້​ລາວ - ເພື່ອ​ຊີ​ວິດ​ການ​ເປັນ​ຢູ່​ທີ່​ດີ​ຂຶ້ນ, ຫ້ອງການ​ສົ່ງ​ເສີມ ແລະ ພັດ​ທະ​ນາ​ຍີ່​ຫໍ້​ລາວ​ແຫ່ງ​ນີ້ ຈະ​ດຳ​ເນີນ​ການ​ສຳ​ຫຼວດ​ຄວາມ​ຄາດ​ຫວັງ​ຂອງ​ຜູ້​ບໍ​ລິ​ໂພກ​ຕ່າ​ງ​ປະ​ເທດ ແລະ ພັດ​ທະ​ນາ ແລະ ນຳ​ໃຊ້​ບັນ​ດາ​ຂໍ້​ກຳ​ນົດ​ມາດ​ຕະ​ຖານທີ່​ຈຳ​ເປັນ​ ສຳ​ລັບ​ຜະ​ລິດ​ຕະ​ພັນ​ລາວ. ຜະ​ລິດ​ຕະ​ພັນ​ທີ່​ໄດ້​ມາດ​ຖານ ແລະ ຜູ້​ສະ​ໜອງ​ສິນ​ຄ້າ ຈະ​ຖືກ​ລະ​ບຸ​ເຂົ້າ​ໃນ​ໂຄງ​ການ, ຊຶ່ງ​ໂຄງ​ກາ​ນ​ນີ້​ແມ່ນ​ມີ​ກຳ​ນົດ​ເວ​ລາ​ 1 ປີ ໃນ​ຂັ້ນ​ເລີ່ມ​ຕົ້ນ. ທຸ​ລະ​ກິດທີ່​ເຂົ້າ​ຮ່ວມ​ໃນ​ໂຄງ​ການ​ຈະ​ໄດ້​ຮັບ​ການ​ຊ່ວຍ​ເຫຼືອ​ທາງ​ດ້ານການ​ພັດ​ທະ​ນາ​ຜະ​ລິດ​ຕະ​ພັນ ແລະ ​ການ​ພັດ​ທ​ະ​ນາ​ຍີ່​ຫໍ້ ພ້ອມ​ດ້ວຍ​ການ​ສະ​ໜັບ​ສະ​ໜູນ​​ຕ່ອງ​ໂສ້ການ​ຕະ​ຫຼາດ​ທີ່​ມີ​ຜົນ​ກຳ​ໄລ​ສູງ​ຂຶ້ນ.

​ປະ​ທານ​ສະ​ພາ​ການ​ຄ້າ ແລະ ອຸດ​ສ​ຫະ​ກຳ ແຫ່ງຊາດລາວ, ທ່ານ ອຸ​ເດດ ສຸ​ວັນ​ນະ​ວົງ ໄດ້​ກ່າວ​ໄວ້​ວ່າ: “ບໍ່​ມີ​ເຫດ​ຜົນ​ໃດໆ​ທີ່​ຈະ​ບອກວ່າ​ຜະ​ລິດ​ຕະ​ພັນ​ລາວ ຈະ​ບໍ່​ປະ​ສົບ​ຜົນ​ສຳ​ເລັດ ໃນ​ຕະ​ຫຼາດ​ສາ​ກົນ”. ທ່ານ ອຸ​ເດດ ຍັງ​ໄດ້​ກ່າວ​ຕື່ມ​ອີກວ່າ: “ໂຄງ​ການ​ພັດ​ທະ​ນາ ແລະ ສົ່ງ​ເສີມ​ຍີ່​ຫໍ້​ລາວ ແມ່ນ​ໂຄງ​ການ​​ຮູບ​ແບບໃໝ່ ເພື່ອ​ຫຼຸດ​ຜ່ອນ​ຄວາມ​ທຸກ​ຍາກ​ໃນ​ປະ​ເທດ​ເຮົາ, ດ້ວຍການ​ສ້າງ​ຜະ​ລິ​ດ​ຕະ​ພັນ​ທີ່​ມີ​ຄຸນ​ນະ​ພາບ​ສູງ ແລະ ເຈາະ​ຕະ​ຫຼາດເປົ້າ​ໝາຍຜູ້​ບໍ​ລິ​ໂພກທີ່​ເຕັມ​ໃຈຈ່າຍ​​ເພີ່ມ​ຂຶ້ນ​​ຕື່ມ ເພື່ອ​ແລກ​ປ່ຽນ​ກັບ​ສິນ​ຄ້າ​ທີ່​ມີ​ຈັນ​ຍາ​ບັນ ແລະ ​ມີ​ຄວາມຍືນ​ຍົງ”

1
2
3
DSC_0562
DSC_0563
DSC_0581
DSC_0582
DSC_0583.1
DSC_0591
DSC_0596
DSC_0603
DSC_0605
DSC_0608
DSC_0610
DSC_0615